અહીંથી તમે તારીખ ૨૬-૦૬-૨૦૧૭ ના કરંટ અફેર્સ વાચી શકો છો

રાષ્ટ્રીય:-

૧. નેપાળ અને ભુતાન જવા માટે આઇડી તરીકે આધાર માન્ય નથી: ગૃહ ખાતું

- પાન કાર્ડ, ડ્રાઇવિંગ લાયસન્સ, કેન્દ્ર સરકાર દ્વારા અપાયેલ આરોગ્ય કાર્ડ અને રાશન કાર્ડ માન્ય

ભારતીય મુસાફરો માટે નેપાળ અને ભુટાન જવા માટે આધાર એ કંઇ અધિકૃત ઓળખપત્ર નથી, એમ કેન્દ્રના ગૃહ મંત્રાલયે આજે કહ્યું હતું. ભારતીયો નેપાળ કે ભુટાન જઇ શકે છે, જો તેમની પાસે ભારત સરકાર દ્વારા જારી કરાયેલ પાસપોર્ટ અને ચૂંટણી પંચનું ઓળખપત્ર હોય તો તેમના માટે વિઝાની જરૃર હોતી નથી.

૨. ISROએ વિકસાવી નવી ટેક્નોલોજીઃ માનવરહિત ફાટક પર લોકોને કરશે એલર્ટ

- ચિપ સિસ્ટમથી રખાશે ખબર અને અપાશે માહિતી

- અકસ્માતના કારણોનું પણ નીકળશે તારણ

૩. રાષ્ટ્રીય શિક્ષણ નીતિ પર બનેલી પેનલની અધ્યક્ષતા કરશે કે. કસ્તૂરીરંગન

નવી શિક્ષણ નીતિ પર કામ કરવા માટે માનવ સંસાધન વિકાસ મંત્રાલયે અવકાશ વૈજ્ઞાનિક કસ્તૂરીરંગનના નેતૃત્વમાં એક નવી સમિતિની રચના કરી છે. આ સમિતિમાં 9 સભ્ય હશે. મંત્રાલયે જુદી જુદી વિશેષતા અને શૈક્ષણિક યોગ્યતા ધરાવતા લોકોને આ સમિતિમાં સામેલ કર્યા છે. આ સમિતિ ભારતની શિક્ષણ નીતિની નવરચના માટે કામ કરશે.

૪. ડોમેસ્ટિક ટુરિસ્ટને આકર્ષવામાં ગુજરાતનો 10મો નંબર

ગુજરાતમાં વિદેશી સહેલાણીઓની સાથે દેશના અલગ અલગ રાજ્યોમાંથી આવનારા પ્રવાસીઓમાં વધારો થયો છે. આ મુદ્દે ગુજરાતે ડોમેસ્ટીક પ્રવાસીઓને આકર્ષવામાં ટોપ-10માં સ્થાન મેળવ્યું છે.ગત એક વર્ષના આંકડા જોતાં રાજ્યમાં સાડા ચાર કરોડથી વધુ લોકોએ વિવિધ પ્રવાસન સ્થળોની મુલાકાત લીધી છે. કેન્દ્રીય પ્રવાસ મંત્રાલયના માર્કેટ રિસર્ચ ડિવિઝન દ્વારા 2016માં ઘરેલુ અને વિદેશી પ્રવાસીઓ આધારિત અહેવાલ તૈયાર કરવામાં આવ્યો હતો. આ અહેવાલ મુજબ ગુજરાત હવે બોલિવૂડ માટે ઘર આંગણું બનતું જાય છે, ફિલ્મ્સના લોકેશન માટે રાજ્યમાં વધુને વધુ ફિલ્મ મેકર આવી રહ્યા છે.

૫. રાજધાની, શતાબ્દી એક્સપ્રેસ ટ્રેનોની કાયાપલટ કરાશે; પ્રવાસીઓને ઓન-બોર્ડ મનોરંજન પ્રાપ્ત થશે

મુંબઈ – આ વર્ષના ઓક્ટોબર મહિનાથી રાજધાની અને શતાબ્દી એક્સપ્રેસ ટ્રેનોમાં કેટલાક સુધારાવધારા કરવામાં આવનાર છે. જેમ કે, કેટરિંગ માટે ટ્રોલી સર્વિસ, કર્મચારીઓ ગણવેશમાં હશે અને નમ્રતાપૂર્વક વાતચીત કરતા હશે, તેમજ ટ્રેનમાં મનોરંજન મળશે.

૬. ગુજરાત હાઈકોર્ટમાં જાહેરહિતની અરજી બાદ લાયન સફારી પાર્કને સેન્ટ્રલ ઝૂ ઓથોરિટીએ આપી મંજૂરી

અમેરલી: અમરેલીના ધારી-આંબરડીમાં શરૂ થનારા લાયન સફારી પાર્કના વિવાદ મામલામાં એક મહત્વના સમાચાર સામે આવ્યા છે. લાયન સફારી પાર્કને સેન્ટ્રલ ઝૂ ઓથોરિટીએ મંજૂરી આપી દીધી હોવાનું સૂત્રો પાસેથી જાણવા મળ્યું છે. મહત્વનું છે કે ગુજરાત હાઇકોર્ટમાં થયેલી જાહેર હિતની અરજી બાદ સેન્ટ્રલ ઝૂ ઓથોરિટીએ આ મંજૂરી આપી છે. એક બાજુ જાહેર હિતની અરજીમાં એવો મુદ્દો ઉઠાવાયો છે કે સેન્ટ્રલ ઝૂ ઓથોરિટીની પૂર્વ મંજૂરી વિના જ સરકારે લાયન સફારી પાર્ક શરૂ કરી દેવાની જાહેરાત કરી છે. અને આ લાયન સફારી પાર્કથી વન્ય જીવો અને સિંહોને વિપરીત અસર પડશે. હાઇકોર્ટે પણ આ અગાઉ રાજ્ય સરકારને આ બાબતે વેધક સવાલો કર્યા હતા અને જો ઓથોરિટીની મંજૂરી ના હોય તો સરકારે આ રીતે નિર્ણય કેમ લીધો તેનો પણ ખુલાસો માંગ્યો હતો. ત્યારે હવે જે રીતે સેન્ટ્રલ ઝૂ ઓથોરિટીએ પરવાનગી આપી દીધી છે તેના પગલે આ જાહેર હિતની અરજીમાં વિવિધ અન્ય મુદ્દાઓ પણ ઉઠી શકે છે. આ મામલે હાઇકોર્ટમાં 28 જૂનના રોજ સુનાવણી હાથ ધરાશે.

૭. હરિયાણાની માનુષિ ચિલ્લર બની ફેમિના મિસ ઇન્ડિયા વર્લ્ડ 2017

હરિયાણાની માનુષિ ચિલ્લર એફબીબી કલર્સ ફેમિના મિસ ઇન્ડિયા 2017ની વિજેતા બની છે. રવિવારે 25 જૂનના રોજ યશરાજ સ્ટૂડિયોમાં આ ઇવેન્ટ આયોજિત થઇ હતી. માનુષિ ચિલ્લરને વિજેતાનો તાજ પહેરાવવામાં આવ્યો હતો, પહેલી રનર-અપ હતી જમ્મુ-કાશ્મીરની સના દુઆ અને બીજી રનર-અપ રહી બિહારની પ્રિયંકા કુમારી. ગત વર્ષની વિજેતા પ્રિયદર્શની ચટર્જીએ માનુષિને તાજ પહેરાવ્યો હતો.

આંતરરાષ્ટ્રીય:-

૧. UNના TRI કન્વેન્શન સાથે ભારતે કર્યો સહયોગ: ચીનના OBORને ભારત આપશે ટક્કર

ન્યૂયોર્ક- સંયુક્ત રાષ્ટ્રના TRI કન્વેન્શનમાં જોડાનારો ભારત 71મો દેશ બની ગયો છે. આ કન્વેન્શનમાં જોડાવાથી ભારતને દક્ષિણ એશિયા અને વિશ્વના અન્ય દેશોમાં પોતાનો વ્યાપાર વધારવામાં ઘણી મદદ મળી રહેશે. જેનાથી ભારતને વિશ્વનું મોટું વ્યાપારી કેન્દ્ર બનવામાં પણ મદદ મળશે. ભારતની જૂદી જૂદી કનેક્ટિવિટી યોજનાઓ અલગ અલગ દેશોનાં ટ્રાન્સપોર્ટ અને કસ્ટમ સિસ્ટમ સાથે અનુરૂપ નહીં હોવાને કારણે વ્યાપારમાં મુશ્કેલી પડતી હતી પરંતુ TRI લાગુ થવાથી ભારત માટે આ મુશ્કેલીનો અંત આવશે. TRI એ માલ-સામાનની હેરફેર માટે વૈશ્વિક માન્યતા પ્રાપ્ત માપદંડ છે. જેની દેખરેખ સંયુક્ત રાષ્ટ્રનું IRU નામનું સંગઠન કરે છે. આ સંગઠને જ TRIને વિકસિત કર્યું છે.

૨. ટ્રમ્પે વ્હાઇટ હાઉસમાં ઇફ્તાર પાર્ટી યોજવાની ૨૧ વર્ષ જૂની પરંપરા તોડી

- બિલ ક્લિન્ટને ૧૯૯૬માં ઇફ્તાર પાર્ટીની શરૃઆત કરી હતી

- જ્યોર્જ બુશે ૯/૧૧ પછીયે વ્હાઇટ હાઉસમાં ઇફ્તાર પાર્ટીનું આયોજન કર્યું હતું.

૩. ચીનને પછાડી ભારત દુનિયાનો સૌથી ઊંચો રેલવે ટ્રેક બનાવશે

નવી દિલ્હી: ભારતીય રેલવે આગામી અઠવા‌ડિયાથી દુનિયાના સૌથી ઊંચા રેલવે ટ્રેક માટે ફાઇનલ લોકેશન સર્વે શરૂ કરશે. હિમાચલ પ્રદેશના બિલાસપુર-મનાલીથી જમ્મુ-કાશ્મીરના લેહને જોડનારી આ લાઇનનો રૂટ ૪૯૮ કિ.મી. લાંબો હશે. આ રેલવે ટ્રેકને તૈયાર કરવાની યોજના જો શક્ય બનશે તો તે ચીનના કિંઘાઇ-તિબેટ રેલવેને પછાડીને દુનિયાનો સૌથી ઊંચો રેલવે ટ્રેક હશે.

૪. અમેરિકાના CEO સાથે મોદીની બેઠકઃ ૭,૦૦૦ રિફોર્મ્સ કર્યા

વડા પ્રધાન નરેન્દ્ર મોદીએ વોશિંગ્ટનમાં અમેરિકાના ટોચના ૨૧ સીઈઓ સાથે બેઠક કરી હતી. આ રાઉન્ડ ટેબલ મિટિંગમાં મોદીએ જીએસટીને-ગેમ ચેન્જર બતાવતાં જણાવ્યું હતું કે અત્યારે સમગ્ર દુનિયા ભારત તરફ જોઈ રહી છે. અમારી સરકારે ૭,૦૦૦ રિફોર્મ્સ કર્યા છે. બિઝનેસ લીડર્સને ઈન્વેસ્ટમેન્ટ માટે આમંત્રણ આપતાં મોદીએ જણાવ્યું હતું કે અમારા વિકાસે અમેરિકા-ઈન્ડિયા બંનેને જ પાર્ટનરશિપમાં લાભ કરાવ્યો છે. કંપનીઓને તેમાં કો‌િન્ટ્રબ્યૂશન કરવાની સારી તક મળી છે.

રમત ગમત:-

૧. મહિલા ક્રિકેટ ટીમની કેપ્ટન મિતાલીના એક જ દિવસમાં બે વર્લ્ડ રેકોર્ડ

લંડનઃ ભારતમાં ક્રિકેટ કે ક્રિકેટરની વાત કરવામાં આ‍વે તો બધાની નજર પુરુષ ક્રિકેટ ટીમ અને તેના ખેલાડીઓ તરફ ટકેલી રહે છે, પરંતુ શું તમે જાણો છો કે ઈંગ્લેન્ડમાં હાલ મહિલા વર્લ્ડકપ રમાઈ રહ્યો છે અને એ ટૂર્નામેન્ટની ઉદ્ઘાટન મેચમાં ભારતીય મહિલા ક્રિકેટ ટીમે ઈંગ્લેન્ડ સામે શાનદાર જીત મેળવી. એ જીત દરમિયાન ભારતીય ટીમની મહિલા ખેલાડીએ એ રેકોર્ડ સર્જી દીધો, જે મહિલા ક્રિકેટ ઇતિહાસમાં કોઈ પણ ખેલાડીના નામ પર નહોતો.

૨. ભારતે બીજી વન-ડે મેચમાં વેસ્ટ ઈન્ડિઝને 105-રનથી હરાવ્યું; સિરીઝમાં 1-0થી સરસાઈ લીધી

પોર્ટ ઓફ સ્પેન (ટ્રિનિડાડ) – અહીંના ક્વીન્સ પાર્ક ઓવલ મેદાન ખાતે ગઈ કાલે રવિવારે ભારત અને વેસ્ટ ઈન્ડિઝ વચ્ચેની બીજી વન-ડે ઈન્ટરનેશનલ મેચમાં પણ વરસાદે વિઘ્ન નાખ્યું હતું, પણ મેચ અંતે ટીમદીઠ 43 ઓવર સાથે પૂરી રમી શકાઈ હતી જેમાં ભારતે ગૃહ ટીમને 105 રનથી પરાજય આપ્યો હતો.